Qəhvə dünyada ən çox sevilən içkilərdən biridir. Ancaq səhər saatlarında içilən qəhvənin bəzən sağlamlığa mənfi təsirləri ola bilər.
Bakıvaxtı.az Pravda.az-a istinadən bildirir ki, mütəxəssislərin fikrincə, səhər qəhvə içmək sağlamlığa zərər verə bilər.
Səhər aç qarına içilən qəhvə mədə problemlərinə, yuxusuzluğa və əsəbə səbəb ola bilər. Qəhvə içmək üçün ən uyğun saatlar səhər yeməyindən sonra, 08:00-09:00, 12:00-13:00 və 17:30-18:30 saatlarıdır. Bu saatlarda kortizol (stres hormonu) səviyyəsi yüksək olduğu üçün qəhvə istehlakı daha az zərərli olur.
Gündə neçə fincan qəhvə içilməlidir?
Gündə təxminən 300-400 mg kafein istehlakı təhlükəsiz hesab olunur. Bu, təxminən 3-4 fincan qəhvəyə bərabərdir. Ancaq 500 mg-dan çox kafein istehlakı sağlamlıq problemlərinə səbəb ola bilər.
Qəhvənin faydaları nələrdir?
Qəhvənin sağlamlığa bir çox faydası vardır. O, depressiyanı qarşısını alır, zehni performansı artırır, astma krizlərini azaldır və metabolizmi sürətləndirir. Həmçinin, qəhvə bağırsaqları yumşaldır və təbii antioksidantlar ehtiva edir. Qəhvə, potasium, niasin, maqnezium, dəmir və manqan kimi minerallarla zəngindir.
Çox qəhvə içmək hansı sağlamlıq problemlərinə yol aça bilər?
Qəhvə həddindən artıq içildikdə sağlamlıq problemləri yarada bilər. Qəhvənin çox istehlakı düzənsiz və sürətli ürək döyüntüsü, yüksək təzyiq, yuxusuzluq və əsəbilik kimi problemlər meydana gətirə bilər. Eyni zamanda, çox qəhvə içmək mədə problemlərinə, qan təzyiqinin yüksəlməsinə və vitamin və mineral itkilərinə səbəb ola bilər. Hamilə qadınlarda isə qəhvə düşüklərə yol aça bilər.
Xatırlatma: Qəhvənin faydalarından yararlanmaq üçün mütəxəssislər, onu günün doğru saatlarında və məqbul miqdarda içməyi tövsiyə edirlər.
