Monteneqronun Budva şəhərində təşkil olunan gənc boksçular arasında “Adriatik incisi” beynəlxalq turniri başa çatıb.
Msport.az xəbər verir ki, Dünya Kuboku statuslu yarışda Azərbaycan millisi 1 qızıl, 3 bürünc medal qazanıb.
Son gündə Zidan Hümbətov (54 kq) turnirin qalibi olub. O, finalda qazaxıstanlı Aldiyar Bahadura 4:1 (29:28, 29:28, 29:28, 29:28, 28:29) hesabı ilə qalib gəlib.
Hümbətova qədər Banuçiçək Nəsirli (48 kq), Özləm Həsənova (66 kq) və İlkanə Əhmədova (+81 kq) bürünc medal qazanmışdılar.
