Rusiya öz gücünü bərpa etmək üçün müharibədə fasiləyə nail olmaq istəyir. Hazırda Ukraynada müharibənin bir günü Rusiyaya təqribən 1 milyard dollara başa gəlir.
APA “unian”a istinadən xəbər verir ki, bunu Ukrayna Müdafiə Nazirliyinin Baş Kəşfiyyat İdarəsinin rəhbəri Kirill Budanov deyib.
O sözügedən məbləğin Rusiyanın dövlət büdcəsinin 41 faizini təşkil etdiyini, habelə rəsmi Moskvanın hərbi sənaye istehsalının həcmini bundan daha çox artırmasının mümkün olmadığını da əlavə edib.
Budanov söyləyib ki, Ukraynadan fərqli olaraq, Rusiya öz daxili imkanlarından istifadə edir.
