Ermənistanda 30-dan çox şəxs Araqats dağında itkin düşən və həlak olduğu ehtimal edilən ispan alpinistin axtarışlarını davam etdirir.
“Report” Ermənistan mediasına istinadən xəbər verir ki, bu barədə ölkənin Daxili İşlər Nazirliyinin (DİN) Xilasetmə Xidməti məlumat yayıb.
Axtarışlar martın 12-də saat 06:00-dan etibarən yenidən başlayıb. DİN-in Xilasetmə Xidməti və Ermənistan Alpinizm Federasiyası tərəfindən təşkil edilən axtarış-xilasetmə işlərində 29 xilasedici və dörd alpinist iştirak edir.
Qeyd edək ki, dünən İspaniya vətəndaşı olan doqquz nəfərdən ibarət qrup qar uçqununa düşüb, səkkiz nəfər xilas edilib.
