Latın Amerikasının ən təhlükəli narkotik kartellərindən birinin liderini tapmağa kömək edəcək məlumat üçün bir milyon dollar mükafat elan edilib.
Herbiand.az bildirir ki, bu barədə The Mirror xəbər verib.
El Fito ləqəbli Adolfo Macias Villamar ötən ilin yanvarında həbsdən qaçıb. O, məşhur Ekvador cinayətkar qruplaşması olan “Los Choneros”un lideridir. Villamar ölkəni bürüyən zorakılıq dalğası zamanı qaçıb və görünür Ekvador səlahiyyətliləri onu tutmağa yaxınlaşmayıblar.
El Fitonun Kolumbiya və Meksika da daxil olmaqla digər ölkələrdəki kartellərlə sıx əlaqələri olduğu bilinir. Los Choneros 1990-cı illərdə Ekvadorda Manabi əyalətində şöhrət qazanıb və o vaxtdan bəri Kolumbiyadan Latın Amerikası və ABŞ-ın digər bölgələrinə mühüm kokain tədarükçüsü olub.
Ekvador Daxili İşlər Nazirliyi onun harada olduğu barədə məlumat verən hər kəsə 1 milyon dollar mükafat təklif etdiyini bildirib. El Fitonun axtarışları son aylarda beynəlxalq təşkilatların, o cümlədən İnterpolun 196 ölkədə tutulması ilə bağlı qırmızı bildiriş yaydığı yardım sayəsində intensivləşib.
Bəxtiyar CƏFƏRLİ
