"Barselona"nın hücumçusu Lamin Yamal UEFA Çempionlar Liqasında yeni rekorda imza atıb.
QOL.az xəbər verir ki. 17 yaşlı futbolçu turnirin tarixində 5 məhsuldar ötürmə edən ən gənc oyunçu olub.
Əvvəlki rekord o vaxt 19 yaşında buna nail olan ingilis hücumçu Teo Uolkota məxsus idi.
Yamal karyerası ərzində Çempionlar Liqasında 19 matçda iştirak edib, üç qol vurub və beş məhsuldar ötürmə verib.
Qeyd edək ki, ispaniyalı futbolçu bu mövsüm "Barselona"nın heyətində bütün turnirlərdə 37 oyun keçirib, 12 qol vurub və 17 məhsuldar ötürmə edib.
