Həyatdakı tutqunuzu, güclü tərəflərnizi və məqsədilərinizi üzə çıxarmaq çox vaxt asan olmur. Bəzən özünü tapmaq istəyirsən, lakin bu zaman nə istədiyini, hardan, necə başlayacağını bilmirsən. Bunun ən yaxşı yolu isə ilk olaraq özünə sual verməkdən başlayır. Bu suallar sizə onunla məşğul olarkən zamanın necə keçdiyini hiss etmədiyiniz, asanlıqla uğur qazandığınız bacarıqları və sizi irəli aparan dəyərləri tapmağa kömək edəcək. Həmin suallar özünüzü daha yaxşı tanımağa, qorxularınızı və arzularınızı anlamağa təşviq edəcək.
Valyuta.az sizə özünüzü kəşf etməyə kömək edəcək 12 sualı təqdim edir: Hansı işləri görərkən vaxtın necə keçdiyini bilmirsiniz? Zamanın necə keçdiyini hiss etmədiyiniz anları düşünün. Rəsm çəkəndə, yazı yazanda, kodlaşdırma edəndə və ya bağ-bostanla məşğul olanda belə hiss edirsiniz? Bu fəaliyyətlər sizi tam olaraq cəlb edir və "axın" vəziyyətinə salır. Zamanı unutmaq adətən həmin fəaliyyətin sizin həqiqi “mən”inizlə uyğun olduğunu göstərir. Həyatınızda bu məşğuliyyətlərə daha çox yer verməyi düşünün. Məsələn, insanlara öyrədərkən zamanın necə keçdiyini hiss etmirsinizsə, bəlkə də tədris sizin həqiqi tutqunuzdur.
Bacarıqlarınız nələrdir?
Hansı işləri asanlıqla etdiyinizə diqqət edin. Bəlkə yaxşı problem həll edən, əla hekayə danışan və ya insanlarla asanlıqla əlaqə qura bilən birisiniz? Çox vaxt bacarıqlarımızı görməzlikdən gəlirik və onların karyeramızdakı potensialını qiymətləndirmirik. Dünyaya gəldiyiniz andan etibarən qazandığınız güclü tərəfləriniz potensialınızın təməlidir. Onlar dünyada təsir göstərmək üçün istifadə edildikdə sizi və ətrafınızı xoşbəxt edər.
Necə bir insan kimi xatırlanmaq istəyirsiniz? Ölümünüzdən sonra insanlar sizi necə xatırlasın istəyirsiniz? Mərhəmətiniz, yenilikçi olmağınız və ya dünyanı daha yaxşı etmək arzunuzla? Bu suala verdiyiniz cavab dəyərlərinizi və uzunmüddətli arzularınızı üzə çıxarır.
Bu gün etdiyiniz hərəkətlərin sabah geridə qoymaq istədiyiniz mirasla uyğun olub-olmadığını yoxlayın. Həyatınızın əsas prinsipi nədir? Hayatınızdakı dəyişməz prinsiplər nələrdir? Məsələn: dürüstlük, empatiya, azadlıq, yaradıcılıq və s. Bunlar qərarlarınıza yön verir. Onları yazın və bu prinsiplərə nə qədər sadiq yaşadığınızı düşünün. Dəyərlərinizlə uyğun yaşamaq daha çox xoşbəxtlik və aydınlıq gətirir; əks halda isə narahatlıq və narazılıq hiss edə bilərsiniz. Pula ehtiyacınız olmasaydı, hansı işləri görərdiniz? Bütün xərcləriniz ödənmiş olsaydı və maddi azadlığınız olsaydı, hər gün nə edərdiniz? Dünyanı gəzərdiniz, sənətlə məşğul olardınız, bir xeyriyyə təşkilatı qurardınız, yoxsa robotlar düzəldərdiniz? Bu sual sizə gündəlik həyatın təzyiqlərindən uzaq, həqiqi arzularınızı kəşf etməyə imkan verir. Pulun məhdudiyyət olmadığı həyatı təsəvvür edərək, sizi həqiqətən həyəcanlandıran şeyləri tapırsınız. Bu xəyallar sizi istiqamətləndirən bir kompas ola bilər.
Sizi ən çox nə qorxudur?
Qorxularınız sizə həm də inkişaf etdirməli olduğunuz xarakterinizi göstərir. Uğursuzluqdanmı, yalnız qalmaqdanmı, yoxsa potensialınızı həyata keçirə bilməməkdənmi qorxursunuz? Bu qorxular sizə ən çox önəm verdiyiniz mövzuları göstərir. Onları tanımaq və onlarla üzləşmək irəliləyişin əsasını qoyur. Sizə canlı olduğunuzu hiss etdirən şey nədir? Özünüzü nə vaxt həyatla tam harmoniyada hiss edirsiniz? Sizi enerji verən, həyat eşqinizi artıracaq işləri müəyyən edin. Bu anlar həyat məqsədinizlə bağlı ipucları verir. Dünyaya necə fayda vermək istəyirsiniz? Dünyaya hansısa bir fayda vermək istəyirsiniz? Texnologiyanı inkişaf etdirmək, sosial ədalət uğrunda mübarizə aparmaq, yoxsa insanların daha sağlam yaşamaqlarına kömək etmək? Böyük dəyişikliklər etməsəniz də, sadəcə insanlarla mehriban ünsiyyət kifayət edir.
İnsanlara təsiriniz məqsədinizin nə olduğunu müəyyən edir. Ən güclü və zəif tərəfləriniz hansılardır? Özünüzə qarşı dürüst olun. Dözümlüsünüz, yaradıcısınız, empati qurursunuz? Yoxsa bəzən özünüzdən şübhələnir və işləri təxirə salırsınız? Güclü tərəflərinizi bilmək, onlardan istifadə etməyə imkan verir. Zəif tərəflərinizi tanımaq isə inkişaf etməyə şərait yaradır. Ən böyük peşmançılığınız nədir? Qorxudan bir fürsəti qaçırdınızmı? Vacib anlarda hisslərinizi ifadə edə bilmədinizmi? Peşmançılıqlar əksər hallarda yerinə yetirilməmiş arzuları və dəyərləri vurğulayır. Onlardan dərs almaq gələcəkdə daha cəsarətli seçimlər etməyə kömək edir. Ən böyük xəyalınız nədir? İstədiyiniz hər şeyi etməyiniz mümkün olsaydı, həyatınız necə olardı? Bir kitab yazmaq, biznes qurmaq, böyük layihələr yaratmaq istəyirsinizmi? Böyük xəyallar sizə hərəkətə keçmək və sonsuz potensialınızı xatırlamaq üçün səbəb verir. Gələcəklə bağlı ən böyük qorxunuz nədir? İqlim dəyişikliyindən, iqtisadi qeyri-sabitlikdən, yaxınlarınızla əlaqəni itirməkdənmi qorxursunuz? Gələcəyə dair qorxularınız əslində nəyə ən çox dəyər verdiyinizi göstərir. Onları başa düşmək qarşılaşacağınız çətinliklərə hazırlaşmağınıza kömək edir və təsir edə biləcəyiniz sahələri aydınlaşdırır.
Unutmayın özünü tanımaq doğru suallar verməklə başlayır. Zamanın necə keçdiyini hiss etmədiyiniz fəaliyyətləri düşünün, pul məhdudiyyətiniz olmasaydı nə edəcəyinizi təsəvvür edin və bacarıqlarınızı müəyyən edin. Dəyərlərinizi, qorxularınızı və xəyallarınızı bilmək sizə ən vacib olan şeyləri göstərir və həyatınızı məqsədinizə uyğunlaşdırmağa imkan verir.
Davud
