Tramp Moskvada Rusiya-Amerika məsləhətləşmələri zamanı Putinlə danışıqları şərh edib.
İnterpress.az xəbər verir ki, Moskvada Rusiya-Amerika danışıqları fonunda ABŞ prezidenti Donald Tramp Ukraynada atəşkəsin əldə olunmasının mümkünlüyü ilə bağlı bir sıra açıqlamalar verib.
O, bu sözləri Vaşinqtonda NATO-nun baş katibi Rutte ilə görüşündə deyib.
Trampın əsas açıqlamaları bunlardır:
▪️ Tramp Putinin Ukraynada atəşkəsin mümkünlüyü ilə bağlı dediklərini perspektivli sayır;
▪️ Vaşinqton Kiyevlə ərazi məsələsini, o cümlədən münaqişə nəticəsində itirəcəyi torpaqları müzakirə edir;
▪️ Nizamlanma kontekstində Zaporojjya AES-ə nəzarət məsələsi də müzakirə olunur;
▪️ ABŞ-nin Ukrayna ilə bağlı Rusiya ilə qarşılıqlı fəaliyyəti “normal” şəkildə davam edir;
▪️ Tramp Putinlə görüşə hazır olduğunu qeyd edib.
Putin Ukrayna ilə 30 günlük atəşkəsə hazır olduğunu açıqlayıb, lakin qeyd-şərtlərlə.
Xuraman Etibarlı
İnterpress.az
