Pekində İranın nüvə problemi ilə bağlı Rusiya, Çin və İran nümayəndələrinin görüşü başlayıb...
Poliqon xəbər verir ki, bu barədə TASS məlumat yayıb.
Ona Çinin xarici işlər nazirinin müavini Ma Zhaoxu sədrlik edir. Tədbirdə Rusiyanı xarici işlər nazirinin müavini Sergey Ryabkov, İranı isə xarici işlər nazirinin müavini Kazem Gharibabadi təmsil edir.
Nüvə problemindən əlavə, tərəflərin İrana qarşı Qərb sanksiyalarının ləğvi yollarını, həmçinin Tehran, Moskva və Pekin arasında BRİKS və Şanxay Əməkdaşlıq Təşkilatı çərçivəsində əməkdaşlığı müzakirə edəcəyi gözlənilir.
Qeyd edək ki, 2015-ci ildə İngiltərə, Almaniya, Çin, Rusiya, ABŞ, Fransa və İran İranın nüvə proqramını məhdudlaşdırmaq müqabilində sanksiyaların yüngülləşdirilməsini təklif edən nüvə sazişi əldə ediblər. Üç il sonra ABŞ müqavilədən çıxdı və sanksiyaları bərpa etdi, bundan sonra Tehran nüvə tədqiqatlarına qoyulan məhdudiyyətlərdən əl çəkəcəyini bildirdi.
Poliqon.info
