İspaniya Azərbaycan və Ermənistan arasında sülh sazişi layihəsi üzrə razılaşmanın əldə olunması barədə bəyanatları alqışlayır. Bu Cənubi Qafqazda dayanıqlı sülhə nail olmaq istiqamətində mühüm addımdır.
Missiya.Az report-a istinadən xəbər verir ki, bu barədə İspaniya Xarici İşlər Nazirliyinin (XİN) bəyanatında bildirib.
"İspaniya ümid edir ki, bu, iki ölkə arasında yekun sazişin imzalanmasına gətirib çıxaracaq", - bəyanatda qeyd edilib.
İspaniya XİN Cənubi Qafqazda sabitliyə və sülhə sadiqliyini bir daha təsdiqləyib.
Xatırladaq ki, ötən gün Azərbaycan və Ermənistan Xarici İşlər Nazirlikləri Bakı və İrəvan arasında sülh və dövlətlərarası münasibətlərin qurulması haqqında Saziş layihəsinin mətni üzrə danışıqların başa çatdığını rəsmən bildiriblər.
