Azərbaycan paralimpiyaçısı Polad Rzayev ilk beynəlxalq turnirində həlledici mərhələdə mübarizə aparacaq.
Fanat.Az xəbər verir ki, o, Avstriyanın Jerzens şəhərində keçirilən FIS Paradağ xizəyi turnirində finala yüksəlib.
LW3 kateqoriyası üzrə mübarizə aparan idmançımız ilkin mərhələni 1:40.19 nəticə ilə uğurla başa vuraraq həlledici mərhələyə vəsiqə qazanıb.
Qeyd edək ki, ilkin mərhələdə çıxış edən 28 paralimpiyaçıdan 17-si əsas mərhələdə çıxış edəcək.
Yarış 2026-cı ildə keçiriləcək Qış Paralimpiya Oyunlarına reytinq xalları qazandırır.
