Ötən gün Azərbaycan Ordusunun mövqelərinin Ermənistan silahlı qüvvələrinin bölmələri tərəfindən 3 dəfə atəşə tutulmasından sonra AB-nin bu ölkədəki missiyası sərhədə patrul göndərib.
KONKRET.az xəbər verir ki, bu barədə erməni mediası məlumat yayıb.
“Vəziyyət sakit və sabit olaraq qalır, qeyri-adi fəaliyyət müşahidə olunmur”, – AB missiyasının vəziyyətlə bağlı bəyanatında deyilir.
Qeyd edək ki, martın 16-da Azərbaycan Müdafiə Nazirliyi Ermənistan silahlı qüvvələrinin sərhəd zonasının cənub-şərq hissəsində yerləşən Azərbaycan mövqelərini atəşə tutması barədə üç dəfə məlumat yayıb.
