Almaniya Prezidenti Frank-Valter Ştaynmayer Azərbaycan və Ermənistana səfər edəcək.
Senzor.az bildirir ki, Almaniya Prezidentinin Mətbuat xidmətindən verilən məlumata görə, səfərlər 30 mart - 2 aprel tarixlərində reallaşacaq.
Almaniya Prezidentini həyat yoldaşı Elke Büdenbender müşayiət edəcək. Bu, Federal Prezidentin hər iki ölkəyə ilk rəsmi səfəri olacaq.
“Azərbaycana səfərinin gedişində Federal Prezidenti Bakının UNESCO-nun Ümumdünya İrsi siyahısına daxil edilmiş tarixi mərkəzini ziyarət edəcək, ölkənin xristian, müsəlman və yəhudi icmasının dini liderləri ilə konfessiyalararası qarşılıqlı anlama və tolerantlıq mövzusunda söhbət aparacaq”, - deyə Ştaynmayerin administrasiyasının bəyanatında deyilir.
