"Uzun müddətdir üzərində işlədiyimiz sülh sazişinin razılaşdırılmış mətni var və bu mətn ikitərəfli qaydada razılaşdırılıb. Üstəlik, Ermənistan tərəfi 12-ci raunddan sonra Azərbaycandan göndərilən təkliflərlə razılaşıb".
"Unikal" xəbər verir ki, bunu Ermənistanın hakim fraksiyasının katibi Artur Hovhannisyan deyib.
"Xüsusilə biz sivil dünya və beynəlxalq ictimaiyyətdən sazişlə bağlı kifayət qədər müsbət reaksiya gördüyümüz üçün növbəti mərhələyə keçməyə, imzalanmaya çağırışlar görürük. Biz həmçinin Azərbaycan tərəfini konstruktiv sahəyə qayıtmağa və sazişin imzalanması prosesini davam etdirməyə çağırırıq", - deyə deputat qeyd edib.
Ağarza Elçinoğlu
