Rusiya Birbaşa İnvestisiya Fondunun da sədri olan Dmitriyev paytaxt Moskvada jurnalistlərə açıqlama verib.
Turkustan.az xəbər verir ki, Rusiyanın Ukraynadan qat-qat çox nadir torpaq elementlərinə sahib olduğuna diqqət çəkən Dmitriyev: "Bu mövzuda ABŞ və digər ölkələrlə əməkdaşlıq edə bilərik. Bəzi nadir torpaq elementləri ehtiyatlarını araşdırırıq və olduqca ümidvericidir"- dedi.
Dmitriyev bu ehtiyatların işlənilməsi üçün müəyyən texnologiyaların tələb olunduğunu və bu məsələdə ABŞ-la əməkdaşlığa açıq olduqlarını bildirib.
ABŞ ilə kosmos sahəsində də əməkdaşlıq edə biləcəklərini ifadə edən sədr: "Yaxın vaxtlarda bu mövzuda Mask ilə görüşəcəyik. Maskın bəşəriyyəti inkişaf etdirməyə çalışan bənzərsiz bir lider olduğuna inanırıq"-deyə, vurğulayıb.
Fevralın 21-də Putin həmçinin ölkənin ən böyük banklarından biri olan “Qazprombank”a iş adamı Maskla əməkdaşlıq etməyi tapşırıb.
Aytən Yaşar/ Turkustan.az
