Tunis Milli Qvardiyası 600-dən çox sənədsiz miqrantı batan qayıqlardan xilas edib.
AZƏRTAC xəbər verir ki, bu barədə Milli Qvardiya bəyanat yayıb. Bildirilib ki, miqrantlar Aralıq dənizindən İtaliyaya keçməyə cəhd ediblər.
Əməliyyat zamanı dəniz mühafizəçiləri 18 qeyri-qanuni miqrant cəsədini də çıxarıblar.
Qeyd edək ki, Mərkəzi Aralıq dənizində yerləşən Tunis təhlükəli dəniz keçidləri vasitəsilə Avropaya çatmaq istəyən miqrantlar və qaçqınlar üçün əsas çıxış nöqtəsidir.
