Naxçıvan Muxtar Respublikası Səhiyyə Nazirliyinin Onkoloji Mərkəzinə kimyaterapiya kresloları alınacaq.
E-saglam.az xəbər verir ki, 40 ədəd sözügedən kreslonun sifariş edilməsi nəzərdə tutulub.
Qeyd olunub ki, kimyaterapiya prosedurlarının rahat və təhlükəsiz şəraitdə keçirilməsi üçün yüksək keyfiyyətli, funksional və müasir dizayna malik kimyaterapiya kresloları vacibdir. Təklif olunan kimyaterapiya kreslosu, həm pasiyentlərin, həm də tibb personalının rahatlığını və təhlükəsizliyini təmin etməklə yanaşı, uzunmüddətli istifadə üçün dayanıqlı və təmizlənməsi asan olan materiallardan hazırlanmalıdır.
