Bu gün UEFA Millətlər Liqasında pley-off mərhələsinin cavab oyunları keçiriləcək.
Sportinfo.az xəbər verir ki, bu mərhələ UEFA Millətlər Liqasının növbəti yarışı üçün A, B, C və D liqalarının tərkibini müəyyən edir.
A/B liqaları arasında pley-off oyunları
A Liqasında üçüncü yeri tutan dörd komanda B Liqasında ikinci yeri tutan dörd komanda ilə qarşılaşır. Cütün qalibləri növbəti mövsüm A Liqasında, məğlub olanlar B Liqasında yarışacaq.
B/C liqaları arasında pley-off oyunları
B Liqasında üçüncü yeri tutan dörd komanda C Liqasında ikinci yeri tutan dörd komanda ilə qarşılaşır. Hər cütün qalibi növbəti mövsüm B Liqasında, məğlub olanlar C Liqasındaiştirak edəcək.
C/D Liqaları arasında pley-off oyunları
C Liqasında üçüncü yeri tutan iki ən yaxşı komanda D Liqasında ikinci yeri tutan iki komandaya qarşı oynayır. Hər cütün qalibi C Liqasında, məğlub olanlar isə D Liqasında növbəti püşkatmada oynayacaq.
Bu gün Türkiyə millisi səfərdə Macarıstanla üz-üzə gələcək. İstanbulda 3:1 hesabı ilə qələbə qazanan Türkiyə millisi Macarıstanda sərfəlli nəticə qazananaraq A liqasına yüksələ bilər.
Qeyd edək ki, pley-offda məğlub komandalardan biri növbəti mövsüm D liqasında Azərbaycan millisinin potensial rəqibi olacaq.
23 mart
Millətlər Liqası
A və B liqaları
21:00. Macarıstan – Türkiyə
(İlk oyun – 1:3)
21:00. Serbiya – Avstriya
(İlk oyun – 1:1)
21:00. Şotlandiya – Yunanıstan
(İlk oyun – 1:0)
23:45. Belçika – Ukrayna
(İlk oyun – 1:3)
B və C liqaları
18:00. Gürcüstan – Ermənistan
(İlk oyun – 3:0)
21:00. Sloveniya – Slovakiya
(İlk oyun – 0:0)
21:00. İslandiya – Kosovo
(İlk oyun – 1:2)
23:45. İrlandiya – Bolqarıstan
(İlk oyun – 2:1)
