1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
İsrailin Qəzza zolağının şimalına endirdiyi hava zərbəsi nəticəsində HƏMAS hərəkatının mətbuat katibi Əbdül Lətif əl-Qanua həlak olub.
Oxu.Az-ın verdiyi məlumata görə, bu barədə "Əl-Əqsa" televiziya kanalı xəbər verib.
"Əbdül Lətif əl-Qanua Cəbaliya şəhərində çadırda olarkən İsrail aviasiyasının zərbəsinə məruz qalıb", - deyə məlumatda vurğulanıb.
Fələstin mediası mətbuat katibinin cəsədinin görüntülərini dərc edib.
Əbdül Lətif əl-Qanua HƏMAS-ın ən tanınmış nümayəndələrindən biri olub.
O da qeyd olunur ki, hücum zamanı azı 26 nəfər həlak olub. Ölənlərin sayının arta biləcəyi istisna olunmur, çünki xəstəxanalara çatdırılan bəzi yaralıların vəziyyəti son dərəcə ağırdır.
