Mağazadan aldığı geyimin ödənişini etməyib satıcını hədələyən gənc saxlanılıb.
Pravda.az Xəzər TV-yə istinadən məlumat verir ki, Abşeron rayonu ərazisində yerləşən mağazaların birində naməlum şəxsin oradan götürdüyü geyimlərə görə ödəniş etməməsi və satıcını kəsici-deşici alətlə hədələməsi barədə polisə məlumat daxil olub.
Polis əməkdaşları quldurluq əməlini törətməkdə şübhəli bilinən 18 yaşlı Seymur Həmidovu saxlayıblar.
Faktla bağlı araşdırma aparılır.
Tarix: 29 Mart 2025, 23:19
