Suriya Prezidenti Əhməd əş-Şara rəhbərliyində yeni kabinet elan olunub.
“Cebheinfo.az” xəbər verir ki, Suriya paytaxtı Dəməşqdə 61 illik BƏƏS rejiminin devrilməsindən sonra qurulan ilk hökumət üçün andiçmə mərasiminin açılış nitqində Şara, “Bu gün biz keçmişimizdən güc alaraq, güclü iradə və qətiyyətlə haqq etdiyimiz gələcəyə doğru addımlamağa başlayırıq” ifadələrini işlədib.
Kabinetin tərkibində müxtəlif icmalardan olan nümayəndələr yer alıb. Bunlar arasında xristian icmasının tanınmış siması və feminist mövqeyi ilə seçilən Hind Kabavat, Dürzi icmasının üstünlük təşkil etdiyi Süveyda bölgəsindən Kənd Təsərrüfatı naziri Əmcəd Bədr, Afrindən Təhsil naziri Terko, əsasən ələvilərin yaşadığı Lazkiyədən isə 2006-2011-ci illərdə Nəqliyyat naziri vəzifəsində çalışmış Yarub Bədir yer alıb.
Lakin yeni kabinetdə türkmən icmasından heç bir təmsilçinin olmaması türkmənlər arasında narazılıq yaradıb.
Digər tərəfdən, Suriya Baş Kəşfiyyat Təşkilatının rəhbəri Enes Hattabın daxili işlər naziri vəzifəsinə gətirilməsi, xarici işlər və müdafiə nazirlərinin isə eyni şəxslər tərəfindən idarə olunmağa davam etməsi diqqət çəkib.
Kabinetin ən çox diqqət çəkən simalarından biri xristian icmasında tanınan və feminist mövqeyi ilə bilinən Sosial İşlər və Əmək naziri Hind Kabavatdır.
O, 2015-ci ildə “Facebook” profil şəklini LGBT (lezbiyan, gey, biseksual, transseksual” icmasına dəstək məqsədilə göy qurşağı rəngində dəyişdirmişdi.
Xatırladaq ki, Hind Kabavat 1974-cü ildə Hindistanda doğulub və lakin Suriyada böyüyüb. Suriyaəsilli kanadalı hüquqşünas və sülh fəalıdır.
O, Prezident Şaranın hökumətində ən çox müzakirə edilən fiqurlardan biridir. Hazırda George Mason Universitetində Dinlərarası Dialoq və Sülh Araşdırmaları üzrə direktor vəzifəsini icra edir.
O, həmçinin Toronto və Harvard universitetlərində müzakirə və liderlik proqramlarında iştirak edib.
2004-cü ildən bəri Suriyada dinlərarası dialoq və qadın haqları ilə bağlı araşdırmalar aparan Kabavat, qaçqın düşərgələrində qadınlara və sülh könüllülərinə təlimlər keçib.
Kabavat, eyni zamanda LGBT hüquqlarına verdiyi dəstəklə də tanınır. 2015-ci ildə “Facebook” profil şəklini LGBT icmasına dəstək üçün göy qurşağı rəngində dəyişdirməsi, Suriya tarixində bir ilk kimi qiymətləndirilir.
