Türkiyə müxalifəti İstanbulda şənbə günü keçiriləcək etiraz aksiyasında milyonlarla vətəndaşın iştirak edəcəyini bildirib və nümayişlərin əvvəlcədən müəyyən edilmiş qrafikə uyğun olaraq bütün ölkəyə yayılmasına çağırıb.
Publika.az xəbər verir ki, bu barədə “Kommersant” məlumat yayıb.
Cümhuriyyət Xalq Partiyasının (CHP) lideri Özgür Özəl də erkən seçkilər və İstanbul Böyükşəhər Bələdiyyə Başçısı Əkrəm İmamoğlunun azadlığa buraxılması üçün 28 milyondan çox imza toplamaq niyyətində olduğunu açıqlayıb - 2023-cü il seçkilərində prezident Rəcəb Tayyib Ərdoğana bu qədər insan səs verib .
Müxalifətin etirazları İstanbulun mərkəzindən ucqarlara qədər mərkəzsizləşdirmək qərarı xeyli sayda həbslə bağlıdır. İmamoğlunun həbsindən sonra, martın 19-da hüquq-mühafizə orqanları 2000-ə yaxın adamı saxlayıb, onlardan 260-dan çoxu həbs edilib.
Bir gün əvvəl İstanbulda həbsdə olan bələdiyyə sədri Əkrəm İmamoğluna dəstək məqsədilə genişmiqyaslı aksiyanın təşkil olunduğu xəbəri yayılmışdı. Tədbirin təşkilatçıları bildiriblər ki, burada 2,2 milyona yaxın insan iştirak edib.
