Ucarda ağır qəza: 4 nəfər xəsarət alıb

  Ucarda minik avtomobilinin aşması nəticəsində 4 nəfər xəsarət alıb.

Referans.az APA-ya istinadla xəbər verir ki, hadisə Bakı-Qazax əsas magistral yolunun rayonun Qarabörk kəndindən keçən hissəsində baş verib.

Minik avtomobili idarəetmədən çıxaraq aşıb. Nəticədə 4 nəfər – Zaqatala rayon sakinləri 2017-ci il təvəllüdlü Sofiya İlqar qızı Şirinova, 1980-ci il təvəllüdlü Mahirə Həsənbəy qızı Şirinova, 1980-cı il təvəllüdlü İlqar Məhəmməd oğlu Şirinov və 2000-ci il təvəllüdlü Nəzər İlqar oğlu Şirinov müxtəlif dərəcəli xəsarətlər alıblar.
 
Zərərçəkənlər Ucar Rayon Mərkəzi Xəstəxanasına, oradan isə Göyçay xəstəxanasına göndəriliblər.

Faktla bağlı araşdırma aparılır.