Bu gün futbol üzrə İtaliya çempionatında (A Seriyası) 2024/2025-ci illər mövsümünün 30-cu turunun oyunlarına yekun vurulub.
Arena.az xəbər verir ki, sonuncu oyun günündə iki qarşılaşma baş tutub və bu görüşlərin heç birində qalib müəyyənləşməyib.
Belə ki, “Verona” – “Parma” matçında qapılara ümumiyyətlə qol vurulmayıb. “Latsio” – “Torino” matçında da tərəflər hərəyə 1 qol və 1 xalla kifayətləniblər.
Beləliklə, 30 turdan sonra 67 xal toplamış “İnter” vahid liderdir. “Napoli” 64 xalla ikinci, “Atalanta” isə 58 xalla üçüncü pillədə qərarlaşıb. “Bolonya”nın 56, “Yuventus”un 55, “Roma” və “Latsio”nun 52, “Fiorentina”nın 51, “Milan”ın 47, “Udineze”nin 40, “Torino”nun 39, “Cenoa”nın 35, “Komo” və “Verona”nın 30, “Kalyari”nin 29, “Parma”nın 26, “Leççe”nin 25 xalı var. Son üç pillədə qərarlaşmış komandalara gəlincə, “Empoli” 23, “Venesiya” 20, “Montsa” da 15 xal toplaya bilib.
İtaliya, A Seriyası
30-cu tur
29 mart
Venesiya – Bolonya 0:1
Qol: Orsolini, 49.
Komo – Empoli 1:1
Qollar: Duvikas, 61 – Kuame, 75.
Yuventus – Cenoa 1:0
Qol: K.Yıldız, 25.
Leççe – Roma 0:1
Qol: Dovbik, 80.
30 mart
Kalyari – Montsa 3:0
Qollar: Viola, 49. Qaetano, 73. Luvumbo, 90+2.
Fiorentina – Atalanta 1:0
Qol: M.Kin, 45.
İnter – Udineze 2:1
Qollar: Arnautoviç, 12. Frattezi, 29 – Solet, 71.
Napoli – Milan 2:1
Qollar: Politano, 2. Lukaku, 19 – Yoviç, 84.
31 mart
Verona – Parma 0:0
Latsio – Torino 1:1
Qollar: Maruşiç, 57 – Gineitis, 82.
