Almaniyanın Friz adaları arxipelaqına daxil olan Vanqeroqe adası üçün mütəxəssis çatışmazlığı səbəbindən qəzet elanları vasitəsilə mer axtarılır.
Herbiand.az bildirir ki, bu barədə Spiegel nəşri yazıb.
Məlumata görə, yerli administrasiyada yeni işçiləri öyrətmək üçün kifayət qədər mütəxəssis də yoxdur.
“Xristian-demokrat ittifaqı”, “Sosial demokrat” və “Yaşıllar” partiyasının nümayəndələri yeni mer üçün müsabiqə elan ediblər.
Namizədin yaşı 23-67 yaş arasında olmalı, Almaniya və ya digər Avropa İttifaqı ölkəsinin vətəndaşı olmalıdır. Ali təhsil və ya müvafiq karyera ixtisasları, həmçinin peşəkar təcrübə də tələb olunur. Seçki tarixi avqustun 17-nə təyin edilib və ərizələr iyunun 14-nə kimi qəbul ediləcək. Hələ elan yerləşdirilməmiş bir nəfər mer sədrliyinə namizədliyini irəli sürmək istədiyini bildirib.
Qeyd olunur ki, 7 il əvvəl reklamların köməyi ilə ada yeni mer seçib - Marsel Fanqor. Lakin o, 2023-cü ilin payızında yerli şura ilə mübahisədən sonra istefa verib.
Bəxtiyar CƏFƏRLİ
