"Toplum TV işi" üzrə açılan cinayət işində təqsirləndirilən Akif Qurbanov, Ələsgər Məmmədli, Ruslan İzzətli və digərlərinin məhkəməsi başlayıb.
Yenisabah.az apa-ya istinadla xəbər verir ki, Təqsirləndirilən şəxslərin vəkilləri onların ev dustaqlığına buraxılması ilə bağlı vəsatət təqdim edib.
Ələsgər Məmmədlinin səhhəti ilə əlaqədar verilən vəsatətə baxılacağı deyilib.
Digər vəsatətlər təmin olunmayıb.
Akif Qurbanovun işə yeni qoşulan vəkili Fuad Ağayev cinayət işi materialları ilə tanış olmaq üçün məhkəmədən vaxt istəyib.
Məhkəmənin hazırlıq iclası aprelin 24-dək təxirə salınıb.
Xatırladaq ki, ötən il martın 6-da DİN "Toplum TV" internet televiziyasının yerləşdiyi ofisdə və daha bir neçə ünvanda əməliyyat keçirib.
"Toplum TV"nin həmtəsisçiləri Akif Qurbanov, Ələsgər Əhmədoğlu (Məmmədli), əməkdaşları və III Respublika Platformasının qurucu üzvü Ruslan İzzətli barəsində həbs qətimkan tədbiri seçilib. Onlara qarşı Cinayət Məcəlləsinin 206.3.2 (qaçaqmalçılıq qabaqcadan əlbir olan bir qrup şəxs tərəfindən törədildikdə) maddəsi ilə cinayət işi açılıb.
Daha sonra iş üzrə təqsirləndirilən şəxslərə qarşı əlavə olaraq ittihamlar (Cinayət Məcəlləsinin 162-1.1, 192.3.2, 193-1.3.1, 193-1.3.2, 206.4, 213.2.1 maddələri ilə) irəli sürülüb.
Telegram kanalımız
