Türkiyədə “Təşkilat” serialında rol alan və boykot çağırışı edən Aybüke Pusat serialın heyətindən uzaqlaşdırılıb.
Yeniavaz.com Türkiyə KİV-ə istinadla xəbər verir ki, bu barədə TRT-nin baş direktoru Zahid Sobacı açıqlama verib.
“Təşkilat” serialında rol alan aktyorun paylaşımları heç bir şəkildə TRT-nin təşkilati prinsiplərinə uyğun gəlmir. Sözügedən şəxs “Təşkilat” serialının izləyicilərini məyus edən paylaşımlara görə serialdan uzaqlaşdırılıb”, - deyə TRT-nin baş direktoru bildirib.
Qeyd edək ki, Əkrəm İmamoğlunun həbsindən sonra CHP sədri Özgür Özəl bir sıra təşkilat və müəssisələri boykot etməyə çağırıb. “TRT 1”də yayımlanan “Təşkilat” serialının baş rol ifaçısı Aybüke Pusat da “İnstaqram” hesabında boykot çağırışına dəstək verib. Pusat boykot çağırışına aldığı reaksiyalardan sonra paylaşımını silib. Bu reaksiyalardan sonra Pusat “Təşkilat” heyətindən uzaqlaşdırılıb.
Məşhur komediya ustası Cem Yılmaz qərarı tənqid edib.