ABŞ Prezidenti Donald Tramp öz kabinetindən siyasi arenada düşmənlərini qorxutmaq və cəzalandırmaq üçün istifadə edir.
Redaktor.az xəbər verir ki, bu barədə "New York Times" nəşri məlumat yayıb.
“Tramp ilk dövründə ona etiraz edən və ya sadəcə olaraq ziddiyyət təşkil edən iki məmuru müəyyən edən memorandumları imzalamaqla yeni xətti keçdi. O, hökumətə onların hər hansı cinayət əməllərinə görə hərəkətlərini araşdırmağı tapşırdı. Bu, açıq mesaj verir: Trampın əleyhinə danışmaq federal hökumətin cəzasını riskə atmaq demək olacaq”, - deyə nəşr yazır.
Müəlliflərin fikrincə, Tramp öz səlahiyyətlərindən düşmən hesab etdiyi insanları və şirkətləri cəzalandırmaq və potensial tənqidçiləri susdurmaq üçün istifadə etməyə çalışdığı üçün Ağ Ev rəhbərinin araşdırma tələbləri “daha rəsmiləşir”.
Aprelin 10-da məlum olub ki, Ağ Ev əməkdaşları Trampla onun keçmiş milli təhlükəsizlik müşaviri, ABŞ prezidentinin bir gün əvvəl açıq şəkildə uduzmuş şəxs adlandırdığı H.R.Makmaster arasında səhvən zəng təşkil edib. Sonradan məlum olub ki, dövlət başçısı həqiqətən də Cənubi Karolina qubernatoru Henri Makmasterlə danışmaq istəyib, lakin onun köməkçilərindən biri səhv edib.
Aytəkin TOFİQQIZI
