Paşinyandan kəndlərin verilməsi ilə bağlı yeni AÇIQLAMA

“Tavuşdan heç kim bir qəsəbəni təslim etməyəcək. Bunlar Tavuş vilayətinin (Tovuzqala rayonu) məskunlaşdığı ərazilər deyil.

“Ermənistan Respublikasının İnzibati-Ərazi Bölgüsü haqqında” qanuna əsasən, Tavuş vilayətində 4 böyük icma var ki, onların yaşayış məntəqələri arasında bu yaşayış məntəqələri yoxdur, ona görə də onlar Ermənistana aid deyillər”.

Yenicag.az xəbər verir ki, bu sözləri Ermənistanın Baş naziri Nikol Paşinyan deyib.

İşğal altındakı kəndlərdən danışan erməni baş nazir söyləyib ki, Ermənistan həmin əraziləri təhvil verməlidir.

“Biz bu kəndlərdən əl çəkməliyik. Mənim ərazi bölgülərini qanunsuz adlandırmağa haqqım yoxdur. Ərazilər kiminsə iştahını cilovlamaq üçün verilmir, problem Ermənistanın sərhədini çəkməkdir. Bu, demarkasiya və delimitasiya prosesinin bir hissəsidir. Bir neçə hissədə yolun dəyişdirilməsinə ehtiyac var”, – Paşinyan bildirib.

Rafi Müslümov