Ermənistanda Rusiya telekanallarının yayımı dayandırıla bilər

Moskva proqramın məzmunu ilə bağlı İrəvanın təkliflərini qəbul etməsə, Ermənistan Rusiya Federasiyası ilə yayım müqaviləsini ləğv edə bilər.
Yeniavaz.com xəbər verir ki, bu barədə Ermənistanın yüksək texnoloji sənaye naziri Mxitar Ayrapetyan məlumat verib.
O bildirib ki, Ermənistan gələn həftə Rusiya tərəfinə mövcud hökumətlərarası sazişlə bağlı əlavə və dəyişikliklər barədə yeni təkliflər paketi təqdim etməyi planlaşdırır:
“Biz bu məsələyə müsbət yanaşırıq. Məqsəd işə yarayacaq sənədə nail olmaqdır və pozuntular olarsa, sanksiyalar tətbiq olunacaq. Əgər bu təkliflər qəbul olunmasa, mən istisna etmirəm ki, Ermənistan birtərəfli qaydada sazişi ləğv edəcək”.