“Şaxtyor”un gənc futbolçusu Avropanın aparıcı komandalarının diqqət mərkəzindədir

“Şaxtyor”un 21 yaşlı futbolçusu Georgi Sudakov Avropanın aparıcı komandalarının diqqət mərkəzinə düşüb.
Trend İdman.biz-ə xəbər verir ki, gənc yarımmüdafiəçinin yayda transfer edilməsi gözlənilir.
Sudakovla İtaliyanın “Yuventus” və “İnter” klubları maraqlanır. Ötən mövsümdə “Napoli”nin ona 55 milyon avro ödəməyə hazır olması ilə bağlı xəbər yayılsa da, sonda təsdiq edilməmişdi. İngiltərədə isə “Tottenhem” 21 yaşlı orta xətt oyunçusunu heyətində görmək arzusundadır.
Qeyd edək ki, “Şaxtyor”un Sudakova görə, 70 milyon avro tələb etdiyi bildirilir. AVRO-2024-dən sonra yarımmüdafiəçinin transferinə yaşıl işıq yandırılacaq.