Orban Avropa İttifaqı rəhbərliyini istefaya çağırıb

Macarıstanın Baş naziri Viktor Orban bildirib ki, Avropa İttifaqının rəhbərliyi Avropada bütün mühüm layihələri iflasa uğradıb...Poliqon xəbər verir ki, Macarıstanın Baş naziri bunu keçirdiyi mətbuat konfransında bildirib.“İndi Avropa Birliyinin yaşıl keçid, davamlılıq siyasəti, miqrasiya, sanksiyalar və hərbi siyasət kimi özlərinin seçdiyi əsas layihələri olan liderləri var və bunların hamısı uğursuz olub. Avropa İttifaqının hazırkı rəhbərliyi getməlidir, bizə yeni liderlər lazımdır”, deyə Orban mətbuat konfransı zamanı deyib.Macarıstanın Baş naziri qeyd edib ki, Brüssel siyasi şantaj üçün hökumət mexanizmlərindən fəal şəkildə istifadə edir. Nümunə olaraq o, Macarıstana təzyiqi göstərib. Baş nazir qeyd edib ki, Aİ miqrasiya və gender siyasəti baxımından ciddi qadağaların ləğvini tələb edərək Budapeştə fondlardan pul vermir.Poliqon.info