Ukraynaya təcili olaraq hava hücumundan müdafiə sistemləri verilməlidir - Aİ

Avropa İttifaqının (Aİ) dövlət və hökumət başçıları Brüsseldə keçirilən qeyri-rəsmi sammitdə Kiyevin təcili olaraq hava hücumundan müdafiə sistemləri və ehtiyacı olan bütün hərbi yardımlarla təmin olunmasının vacibliyini vurğulayıblar. SİA xəbər verir ki, bu barədə görüşün Ukrayna üzrə yekun bəyanatında deyilir.

Bundan əvvəl ABŞ Maliyyə Nazirliyinin rəhbəri Canet Yellen demişdi ki, Ukraynaya maliyyə yardımı indi həmişəkindən daha vacibdir.

Həmçinin ABŞ Prezidenti Cozef Bayden İsrail və Ukraynaya yardım paketlərini dəstəkləyib və Konqresi onları tezliklə qəbul etməyə çağırıb.