Ərdoğanın HƏMAS-ı Qüvayi-milliyəyə bənzətməsi Fələstin xalqı üçün qürur mənbəyidir

Türkiyə Prezidenti Rəcəb Tayyib Ərdoğanın HƏMAS-ı Qüvayi-milliyəyə bənzətdiyi açıqlaması Fələstin xalqı üçün qürur mənbəyidir.Bunu HƏMAS-ın Siyasi Bürosunun başçısı İsmayıl Haniyə “Anadolu”ya açıqlamasında deyib.“Prezident Ərdoğanın Ədalət və İnkişaf Partiyasının parlament qrup toplantısında verdiyi və HƏMAS-ı “Milli qurtuluş hərəkatı” kimi tərif edən və Qüvayi-milliyəyə bənzədən açıqlaması, sözsüz, bizim və Fələstin xalqı üçün qürur mənbəyidir”, – Haniyə vurğulayıb.Prezident Ərdoğanın və Türkiyə  xalqının Fələstin məsələsinə münasibətini yüksək qiymətləndirən Haniyə dövlət başçısının BMT-dəki tarixi çıxışını da xatırladıb: “Ərdoğanın BMT-də Fələstin xəritəsini qaldırıb torpaqlarımızın necə işğal edildiyini izah edərək Şimon Peresə verdiyi cavabı hələ də xatırlayırıq”.“Türkiyənin bölgədəki mövqeyini, regional və beynəlxalq siyasətini, Fələstin davası və Qəzzaya münasibətini yaxından izləyirik”, – o vurğulayıb.“Report” xatırladır ki, aprelin 20-də Türkiyə Prezidenti Rəcəb Tayyib Ərdoğan HƏMAS-ın Siyasi Bürosunun başçısı İsmayıl Haniyəni qəbul edib.Aprelin 17-də Türkiyə Prezidenti Türkiyə Böyük Millət Məclisində qrup toplantısında Fələstinin HƏMAS təşkilatını Qüvayi-milliyəyə oxşadıb: “Qüvayi-milliyə nədirsə, HƏMAS da odur”. Dövlət başçısının HƏMAS-ı Türkiyə İstiqlaliyyət müharibəsinin ilk müdafiə dəstəsi ilə müqayisə etməsi ölkə daxilində birmənalı qarşılanmayıb.Qeyd edək ki, Qüvayi-milliyə Osmanlı İmperiyasının yunan, ingilis, fransız, italyan və erməni qoşunları tərəfindən işğal edildiyi və Mudros müqaviləsindən sonra ağır şərtlərin tətbiq olunduğu dövrdə, müxtəlif bölgələrdə Osmanlı ordusunun silahlarının paylandığı günlərdə yaranan müqavimət təşkilatına verilmiş addır.