Sabunçuda qaçırılan 16 yaşlı qızın atası DANIŞDI: “Hər ikisinin təhsili yoxdur” - VİDEO

16 yaşlı qız  özündən 1 yaş böyük oğlana qoşulub qaçıb.

BAKU.WS Xezerxeber.az-a istinadən xəbər verir ki, hadisə aprelin 17-si Bakının Sabunçu rayonunun Sabunçu qəsəbəsində baş verib...Qız kredit ödənişi üçün evdən çıxıb və geri qayıtmayıb.

Məsələ ilə bağlı Yeniyetmə qızın atası "Xəzər Xəbər"ə müraciət edib.

“Mən istəyirəm qızım təhsil alsın”, - deyən ata bildirib ki,  övladı yanvar ayından etibarən tibb kursuna gedirdi.

Qarşı tərəfi ilə də əlaqə saxladıq. Yeniyetmə oğlanın atasına zəng  çatmadığından bacısı ilə əlaqə saxladıq. Zəhra Məmmədova deyilənləri təsdiqləyərək qızın öz istəyi ilə qaçdığını bildirdi.

Amma ata əksinə qızının təzyiq altında olduğunu düşünür.

Oğlanın bacısı Zəhra isə bildirir ki, qardaşı 9-cu sinifdən sonra məktəbə getməyib. Hazırda işləmir və heç bir pis vərdişi yoxdur.

Məsələ ilə bağlı Daxili İşlər Nazirliyindən bildirildi ki, qız və oğlan hazırda Şamaxı rayonundadırlar. Onlarla bağlı qanuna müvafiq tədbirlər görüləcək.

Huquqşünaslar isə bildirir ki, qızın 16 yaşı tamam olduğundan qarşı tərəf yalnız 1  halda cinayət məsulyyətinə cəlb edilə bilər.

Əgər həmin qız zorla qaçırıldığını bildirərək şikayət edərsə....

Xezerxeber.az mövzu ilə bağlı daha ətraflı videomaterialı təqdim edir.