Deputat: "Ukrayna məsələsində Türkiyənin ssenarisi mümkün deyil"

"Ukrayna Türkiyənin Avropa İttifaqına üzvlük yolundakı ssenarisini mütləq təkrar etməyəcək, çünki onun bütün imkanları, dövlət rəhbərliyinin siyasi iradəsi və xalqın qısa müddətdə Aİ-yə daxil olmaq istəyi var".

HİT.az xəbər verir ki, Bunu "Ukrinform"a müsahibəsində Ukrayna Ali Radasının Hüquq Siyasəti Komitəsinin rəhbəri Denis Maslov vurğulayıb.

"Məncə, Ukrayna məsələsində Türkiyənin ssenarisi mümkün deyil", deyə deputat bildirib.

Onun sözlərinə görə, Ukrayna hazırda unikal vəziyyətdədir, çünki Avropa Komissiyasının bütün tövsiyələrini çox tez yerinə yetirmək və dövlət qanunvericiliyini ciddi şəkildə dəyişmək mümkündür.

"Doqquzuncu çağırış parlamentin xalq deputatları nədənsə əvvəlki çağırışlar tərəfindən qəbul edilməyən bir sıra Avropaya inteqrasiya aktlarını qəbul ediblər: dövlət qulluqçularının statusunun elan edilməsindən tutmuş məhkəmə islahatları sahəsində köklü dəyişikliklərə qədər", deyə Maslov bildirib.

Parlamentari vurğulayıb ki, bu fundamental dəyişikliklər vətəndaşlara dərhal görünməyə bilər, lakin onlar əhəmiyyətli transformasiyaların əsasını qoyur, Ukrayna dövlətinə və onun gələcəyinə təsir göstərir:

"Avropalı tərəfdaşlar da bunu görür və onların tövsiyələrinin icrası tempimizə heyrandırlar. Biz qətiyyən Türkiyənin yolu ilə getməyəcəyik, çünki bizim imkanımız, dövlət rəhbərliyinin siyasi iradəsi və xalqın qısa müddətdə Aİ-yə daxil olmaq istəyi var".

Eyni zamanda, parlament komitəsinin rəhbəri əlavə edib ki, Ukrayna üçün Avropa İttifaqının öz dəyərini və yüksək demokratiya səviyyəsini qoruyub saxlaması vacibdir.

Qeyd edək ki, Türkiyə 1999-cu il dekabrın 12-də rəsmi olaraq Avropa İttifaqına üzvlüyə namizəd kimi tanınıb. Ölkə hələ Aİ-yə daxil olmayıb.

2023-cü il dekabrın 14-də Avropa Şurası Ukrayna, Moldova və Bosniya və Herseqovina ilə üzvlük danışıqlarına başlamaq qərarına gəlib, həmçinin Gürcüstana namizəd ölkə statusu verib. Avropa İttifaqının Ukraynadakı səfiri Katarina Maternova ümid etdiyini bildirib ki, iyunun sonunda Ukrayna və Moldova ilə Aİ-yə daxil olmaq üzrə danışıqlar başlayacaq.

Samir