Bu yayın qəribə trendi: Məşhurlar bu ayaqqabılardan ötrü dəli olurlar

Yaz-yayın gəlişi ilə balet və meş qarışığı olan yeni ayaqqabı növü məşhurlar arasında getdikcə populyarlaşır.

Milli.Az sfera.az-a istinadən bildirir ki, meş dabanlı ayaqqabılar keçən ildən bəri podiumlara təqdim edilsə də, bu yaz inanılmaz dərəcədə populyarlaşıb.

İdman tərzindən loaferlərə qədər müxtəlif üslublarda ayaqqabılar satan "Khaite" və "ALAÏA" da daxil olmaqla bir sıra brendlər 2023-cü ilin ikinci yarısından etibarən belə ayaqqabılar 750 dollardan başlayan qiymətlə satışa çıxarılıb. Yeni trend ayaq barmaqlarını və ayağın qalan hissəsini tamamilə açıq qoyur.

Son bir neçə ay ərzində bu tendensiya həm məşhurlar, həm də adi insanlar arasında çox yayılıb. Ən məşhur moda nəşri "Vogue" bu stili "yazın ən isti ayaqqabısı" elan edib. Məsələn, Dua Lipa, Sofia Richie, Jennifer Lawrence və Dakota Johnson "ALAÏA"nın həmişə məşhur olan 890 dollarlıq qara hörgü ayaqqabılarını geyinərkən görüntülənib.

Oxşar ayaqqabıları modellər Elza Hosk və Rozi Hantinqton-Uitli, həmçinin moda bloqqeri Ariel Çarnas da seçib.

Məşhurların bəziləri şəffaf meş geyinməklə yanaşı, bunu: "Ayaqqabını geyinməmişdən əvvəl mağazada verdikləri corabları xatırladırlar" - kimi şərh ediblər. 

Görünür, bu trend qeyri-müəyyənliyinə baxmayaraq, hələ çox davam edəcək. İndi bir çox dizaynerlər dəbli ayaqqabıların öz versiyalarını yaradırlar. Belə ki, Mary-Kate və Ashley Olsenin brendi olan "The Row" da  690 dollara tam şəffaf ayaqqabı təklif edir, "Kristofer Esber" isə 850 dollara meş ayaqqabı satır.

"Khaite" müxtəlif üslub və rənglərdə meş baletlər hazırlayır. Bəzilərinin qiymətləri 790 dollardan 1000 dollara qədər dəyişən çiçəkli tikmə və kristalları var.

Daha sərfəli brendlər də trendə öz twistləri ilə gəliblər. "Anthropologie" və "Free People" kimi mağazalarda satılan "Jeffrey Campbell" brendi cəmi 148 dollara göy qurşağı rəngində meş ayaqqabılar hazırlayır. "Mango" moda evi 70 dollardan aşağı qiymətə şəffaf ayaqqabıların öz versiyasına malikdir.

Məşhurların sevimlisi olan "Seavees" də öz 100 dollarlıq espadrillərini hazırlayır. Bu dublikatları Amazonda cəmi 27 dollara tapa bilərsiniz.

Milli.Az

Xəbərlərimizi WhatsApp kanalımızdan da oxuyun

Məqaləyə dair fotomateriallar: