“Sabah”ın qapıçısı Stas Pokatilov və yarımmüdafiəçisi Vinsent Till ölkələrinin milli komandalarına dəvət alıblar.
Futbolpress.az xəbər verir ki, bu barədə Masazır təmsilçisinin mətbuat xidməti məlumat yayıb. Pokatilov Qazaxıstan, Till isə Lüksemburq millisinə dəvət olunub.
Qeyd edək ki, Qazaxıstan yığması DÇ-2026-nın seçmə mərhələsi çərçivəsində səfərdə martın 22-də Uels, martın 25-də Lixtenşteynlə qarşılaşacaq. Lüksemburq yığma komandası isə martın 22-də İsveç, martın 25-də isə İsveçrə millisi ilə yoxlama oyunu keçirəcək.
