"Biz başa düşürük ki, gördüyümüz işlər tam deyil. Həyat davam edir, qarşımızda yeni tapşırıqlar və həll olunmayan məsələlər var".

aia.az xəbər verir ki, bunu Milli Məclisin bu gün keçirilən plenar iclasında “Azərbaycan Respublikası Nazirlər Kabinetinin 2024-cü ildə fəaliyyəti haqqında hesabatı”nın müzakirəsi zamanı səslənən suallara cavab olaraq Baş nazir Əli Əsədov deyib.

“Təbii ki iş olan yerdə hansısa çatışmazlıqlar var. Bu gün millət vəkilləri tərəfindən söylənilən fikirlərin bəziləri ilə prinsipcə razı deyilik. Bəzilərinin yeri var. Yəqin ki, biz o məsələləri bu və ya digər səbəblərdən vaxtında icra etməmişik. Keçmiş illərdə olduğu kimi bu məsələlər hökumət tərəfindən nəzarətə götürüləcək. Həlli istiqamətində addımlar atılacaq”, - deyə Baş nazir bildirib.

aia.az