1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
ABŞ Prezidenti Donald Tramp iki böyük dövlət qoruğunun bağlanması barədə fərmanlar imzalamağa hazırlaşır.
Bu barədə Oxu.Az "The Washington Post" qəzetinə istinadla xəbər verir.
Söhbət ABŞ-nin keçmiş lideri Co Bayden tərəfindən yaradılmış qoruqlardan gedir. Onlardan biri Kaliforniya ştatının cənubunda yerləşən Çakuolla qoruğu, digəri isə eyni ştatın şimalında yerləşən Sattitla-Haylends qoruğudur.
Materialda vurğulanır ki, D.Tramp ilk prezidentlik dövründə Yuta ştatında yerləşən digər iki dövlət qoruğunun sahələrinin kiçildilməsi barədə fərmanlar imzalayıb.
Lakin icmalçıların sözlərinə görə, hazırda ABŞ prezidentinin qoruqları tamamilə bağlamaq səlahiyyətlərinin olub-olmadığı məlum deyil.
