Siyasət

"Azərbaycanda insan hüquqları sahəsində problemlər var"

arqument.az

17:12 04.05.2024

Smartbee
Şikayət et

"Azərbaycanda demokratiya, insan hüquqları sahəsində ciddi problemlər var və bununla bağlı da beynəlxalq qurumlar tərəfindən tənqid edilir".

Bu barədə "İşgəncələr Əleyhinə Araşdırmalar Mərkəzi" hüquq müdafiə təşkilatının yaydığı açıqlamada bildirilir.

Təşkilat hesab edir ki, beynəlxalq təşkilatlarla gərginlik yaratmağa gərək yoxdur: "Hesab edirik, insan hüquq və azadlıqları ilə bağlı tənqid edilən sahələrdə, həqiqətən də, ciddi problemlər var. Ona görə də bütün bunları aradan qaldırmaq üçün real addımlar atmaq lazımdır, nəinki beynəlxalq qurumlarla əhəmiyyətsiz mübahisələrə getmək, gərginlikləri artırmaq".

Mərkəz bildirib ki, bu problemlər qaldıqca Azərbaycan üçün ciddi problemlər yarama bilər: "Belə məntiqsiz və dövlət maraqlarımıza cavab verməyən, hökumətin korporativ maraqlarına xidmət edən əhəmiyyətsiz gərginliklər Azərbaycana yaxın gələcəkdə daha ciddi problemlər yarada bilər".

"AŞPA, Avropa İttifaqı və digər demokratik təsisatlarla yaranan gərginlik belə sürətlə artan xətt üzrə davam edərsə, konflikt daha da genişlənəcək və o zaman Azərbaycanla dünyanın mötəbər maliyyə institutları arasında da ciddi problem yaradacaq", - deyə açıqlamada qeyd olunur.

Təşkilat hesab edir ki, Azərbaycan iqtisadiyyatının böyük hissəsi olan neft və qazın əsas alıcıları demokratik təsisatlarda birləşən Avropa ölkələridir. O ölkələr ki onlarda insan hüquq və azadlıqları hər şeydən öndə gəlir. Ona görə də hökumət gərinliyi artırmaq əvəzinə islahatlara getməyə maraqlı olmalıdır.

Bütün xəbərləri reklamsız oxumaq üçün qeydiyyatdan keç və ya login ol. Günlük ölkədə baş verən xəbərləri bizdən izlə.

Seçilən