HƏMAS İsraillə danışıqlar planlarını açıqlayıb

HƏMAS İsraillə “mərhələli” atəşkəs sazişi bağlamaq niyyətindədir.

Oxu24.com  xəbər  verir  ki, bu barədə Sinxua agentliyi Həmas rəsmi nümayəndəsinə istinadən məlumat yayıb.

Eyni zamanda, Fələstin tərəfi İsraildən atəşkəs və münaqişəyə son qoyulması öhdəliyinə zəmanət tələb edir. İsrail hələlik bu təklifə cavab verməyib.

Mayın 4-də Qahirədə beştərəfli məsləhətləşmələr başlayıb, İsrail, Qətər, ABŞ və Misir Qahirədə məsləhətləşmələr keçirəcək.

Oktyabrın 7-də minlərlə silahlı Həmas tərəfdarının Qəzza zolağından İsrailə daxil olması ilə Yaxın Şərqdə vəziyyət gərginləşib. Buna cavab olaraq İsrailin baş naziri Benyamin Netanyahu ölkənin müharibə vəziyyətində olduğunu açıqlayıb.

Oktyabrın 27-də İsrail Qəzzada quru əməliyyatının “genişləndirildiyini” elan etdi. Noyabrın 5-də quru əməliyyatı çərçivəsində İDF qüvvələri Qəzza şəhərini mühasirəyə alıb və onun təchizatını kəsib. Dekabrın 5-də İsrail ordusu Qəzza zolağında quru əməliyyatının üçüncü hissəsinə başlayıb və zolağın cənubundakı Xan Yunis şəhərini mühasirəyə alıb.

2024-cü ilin yazında bütün sektorlardan təxminən 1,5 milyon fələstinli qaçqının olduğu Rəfahda İsrailin quru əməliyyatını davam etdirməsi məsələsi suala çevrildi. İsrail BMT Təhlükəsizlik Şurasının dərhal dayandırılmasını tələb edən qətnaməsinin qəbulundan sonra belə əməliyyatı davam etdirmək niyyətini açıqlayıb.

Bundan əvvəl İsrail Qəzza zolağında atəşkəs üçün HƏMAS-a ultimatum verib.

Nigar