Ronaldo və Messi komanda yoldaşı ola bilərlər

"İnter Mayami"nin prezidenti Devid Bekhem Səudiyyə Ərəbistanının "Əl-Nəsr" klubunun futbolçusu Kriştiano Ronaldonu transfer etmək imkanlarını araşdırır.

Publika.az xəbər verir ki, bu barədə jurnalist Əbdüləziz Əl-Osaimi sosial şəbəkələrdə məlumat verib.

O qeyd edib ki, Bekhem Ronaldonu və artıq Mayami komandasında olan Lionel Messini bir klubda birləşdirmək fikrini bəyənir .

Bundan əvvəl Ronaldo 9 il "Real Madrid"də, 3 il isə Turində "Yuventus"da çıxış edib. Portuqaliyalı karyerası ərzində beş dəfə “Qızıl top” qazanıb və beş dəfə Çempionlar Liqasının qalibi olub.