İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti və Slovakiya Standartlar, Metrologiya və Sınaq İdarəsi arasında standartlaşdırma, metrologiya, akkreditasiya və uyğunluğun qiymətləndirilməsi sahələri üzrə birgə layihələrin reallaşdırılması, eləcə də keyfiyyət siyasətinin təkmilləşdirilməsi istiqamətində təcrübə mübadiləsinin həyata keçirilməsi məqsədilə Anlaşma Memorandumunun imzalanması perspektivləri müzakirə edilib.
Ednews Dövlət Xidmətinə istinadən məlumat verir ki, müzakirələr bu gün Bakıda keçirilən Azərbaycan-Slovakiya biznes forumu çərçivəsində iki qurumun rəhbərləri Məmməd Abbasbəylinin və Pavol Pavlisin rəhbərlik etdiyi nümayəndə heyətləri arasında ikitərəfli görüş zamanı aparılıb.
Bildirilib ki, görüşdə standartlaşdırma, metrologiya, akkreditasiya və uyğunluğun qiymətləndirilməsi sahələri üzrə birgə əməkdaşlıq layihələrinin həyata keçirilməsi və müvafiq sahədə qurumlararası təcrübə mübadiləsi imkanları müzakirə edilib.
Görüş zamanı hər iki ölkədə keyfiyyət infrastrukturunun inkişafı istiqamətində atılan addımlar, sahə üzrə qarşıya qoyulan hədəflərin reallaşdırılması üçün həyata keçirilən tədbirlərdən bəhs edilib, xüsusilə metroloji xidmət sahəsinin inkişaf etdirilməsi istiqamətində əməkdaşlıq perspektivləri və qarşılıqlı təcrübə mübadiləsi imkanları barədə müzakirələr aparılıb.
Azərbaycanda keyfiyyət infrastrukturunun inkişafı istiqamətində görülən işlər, bu sahədə xidmətlərin elektronlaşdırılması məqsədilə yaradılmış Keyfiyyət portalının əhəmiyyəti vurğulanıb.
.jpg)
