Aktrisa Cennifer Qarnerin nişanlısı Con Miller ona keçmiş əri Ben Affleklə çəkdirdiyi romantik fotolardan sonra ona xəbərdarlıq edib.
HİT.az xəbər verir ki, bu barədə “Page Six” məlumat yayıb.
Ulduzlara yaxın bir mənbə Con Millerin Ben və Cenin uşaq böyütməklə bağlı ünsiyyətini həmişə dəstəklədiyini, lakin indi o, aktyorun "həddi keçdiyini" düşündüyünü bildirib. Nəşrin mənbəsinin bildirdiyinə görə, Qarnerin nişanlısı ona xəbərdarlıq edib: o, artıq keçmiş həyat yoldaşlarının bir-birinə qarşı hisslərini əks etdirən fotolarını görmək istəmir. Mənbə əlavə edib ki, əks halda Con Miller Cennifer Qarnerdən ayrılmaq məcburiyyətində qalacaq.
Martın 2-də paparatsilər Ben Afflek və Cennifer Qarneri Combat Paintball Parkında uşaqları ilə peyntbol oynayarkən yaxalayıb. Fotoqraflar aktyoru keçmiş həyat yoldaşına qarşı hisslərini əks etdirən görüntüləri lentə alıblar. Afflek Qarneri qucaqlayıb və ona yaxınlaşıb. Lakin sənətçi keçmiş ərinin hərəkətlərinə heç bir reaksiya verməyib.
Cennifer Qarner və Ben Afflek 2005-2018-ci illərdə evli olublar. 2015-ci ildə ayrılıblar, lakin bir neçə ildən sonra rəsmi olaraq boşanıblar. Ayrılığa səbəb aktyorun spirtli içkilərə aludə olması, həmçinin dayəsi Kristina Uzunyana xəyanət etməsi olub. Məşhurların üç övladı var: qızları Violet Ann və Finn və oğlu Samuel.
Samir
