Ermənistan Niderlandla strateji tərəfdaşlıq haqqında bəyannamə imzaladı

Ermənistan və Niderland strateji tərəfdaşlıq haqqında bəyannamə imzalayıblar.

 

Senzor.az yerli KİV-ə istinadən bildirir ki, bunu xarici işlər naziri Ararat Mirzoyan İrəvanda niderlandlı həmkarı Kaspar Veldkamp ilə danışıqlardan sonra jurnalistlərə verdiyi açıqlamasında deyib.

 

A.Mirzoyan bunu ikitərəfli münasibətlərdə "yeni mərhələ" adlandırıb.

 

Bəyannamə siyasi və iqtisadi dialoqdan əlavə, Cənubi Qafqazda sülhün möhkəmləndirilməsi, regional və beynəlxalq nəqliyyat kommunikasiyalarının aktivləşdirilməsi istiqamətində birgə səyləri nəzərdə tutur.

 

Nazir bəyannamənin digər bir komponenti kimi kibertəhlükəsizliyin təmin edilməsi, hibrid təhdidlərə qarşı mübarizə üzrə birgə tədbirləri qeyd edib.