Rusiya Prezidenti Vladimir Putin amerikalı həmkarı Donald Trampla Ukraynada atəşkəs ideyasını müzakirə etməyi istisna etməyib.
Publika.az xəbər verir ki, bu barədə Kremlin mətbuat xidməti məlumat yayıb.
Putin bildirib ki, Rusiya bu məsələdə amerikalı tərəfdaşları ilə danışıqlar aparmalıdır.
“Bəlkə mən prezident Trampa zəng edib bu məsələni onunla müzakirə edim?”, – dövlət başçısı Belarus prezidenti Aleksandr Lukaşenko ilə birgə mətbuat konfransında deyib.
Onun sözlərinə görə, Moskva Ukraynadakı münaqişənin sülh yolu ilə dayandırılması ideyasını dəstəkləyir.
