Maqnezium sümük sağlamlığı, əzələ funksiyası və ürək ritmi üçün vacibdir, lakin həddindən artıq qəbulu ciddi sağlamlıq problemlərinə səbəb ola bilər.
Mütəxəssislər xəbərdarlıq edir ki, nəzarətsiz maqnezium istehlakı böyrək çatışmazlığı və ürək ritminin pozulması riskini artırır.
Yanlış dozada maqnezium qəbul etmək qanda səviyyənin təhlükəli həddə yüksəlməsinə səbəb ola bilər. Ürək ritmi pozula, nəfəs darlığı yarana və böyrək funksiyası zədələnə bilər. Xüsusilə böyrək problemi olan şəxslər bu əlavələri yalnız həkim nəzarəti altında qəbul etməlidirlər.
Mütəxəssislər vurğulayır ki, maqnezium səviyyələri qan testi ilə ölçülməli və lazımi hallarda qəbul edilməlidir. Lazımsız maqnezium istifadəsi digər vitamin və minerallar kimi risklər daşıyır. Sağlam həyat üçün əlavələrə deyil, balanslı qidalanmaya üstünlük vermək tövsiyə olunur.//E-saglam.az
