Olaylar.az xəbər verir ki, bu barədə ATƏT PA-nın rəsmi saytında açıqlama verilib. Luis Qrasa, bu irəliləyişin bölgədəki möhkəm sabitlik və sülh yolunda mühüm bir addım olduğunu qeyd edib və hər iki tərəfi konstruktiv və səmimi yollarla sülhün əldə olunmasına yönəlməyə çağırıb.
"Bu irəliləyiş, regionda möhkəm sabitlik və sülh istiqamətində vacib bir addımdır. ATƏT Parlament Assambleyası, Cənubi Qafqazda etimadın gücləndirilməsi və davamlı barışa dəstək verən təşəbbüsləri dəstəkləməyə hazırdır", - deyə Luis Qrasa bildirib.
13 mart tarixində Ermənistan və Azərbaycan sülh sazişi layihəsinin mətni üzrə yekun razılaşmanı əldə etdiklərini açıqlayıb. Ermənistan Xarici İşlər Nazirliyi bildirib ki, tərəfdaşlarla razılaşmanın imzalanma vaxtı və yeri barədə danışıqlara başlamağa hazırdır. Bir çox ölkələr artıq Ermənistan və Azərbaycan arasında sülh sazişi mətni üzərində razılaşmanı alqışlayıb və onun mümkün qədər tez imzalanmasını ümid etdiklərini bildiriblər.
