Türkiyənin Tehrandakı səfiri Hicabi Kırlangıç Türkiyənin xarici işlər naziri Hakan Fidanın açıqlamalarından sonra İran Xarici İşlər Nazirliyinə dəvət edilib.
Demokratikmusavat.comxəbər verir ki, bu barədə "Tasnim" xəbər agentliyi məlumat yayıb.
Xarici işlər nazirinin köməkçisi, İran Xarici İşlər Nazirliyinin Aralıq dənizi və Şərqi Avropa Departamentinin baş katibi Mahmud Heydəri səfirlə görüşdə qeyd edib ki, Türkiyə regiondakı vəziyyəti və iki qonşunun ümumi maraqlarını nəzərə alaraq, ikitərəfli münasibətlərdə fikir ayrılıqlarına və ya gərginliyə səbəb ola biləcək şərhlərdən çəkinməlidir.
Kırlangiç öz növbəsində Türkiyənin İranla dostluq əlaqələrinin genişləndirilməsinin tərəfdarı olduğunu bildirib.
Səfirin sözlərinə görə, Türkiyə və İran ikitərəfli münasibətləri inkişaf etdirmək, regional əməkdaşlığı gücləndirmək və mövcud təhlükələrə qarşı çıxmaq üçün sıx əməkdaşlıq etməlidir.
Həmidə İbrahimova
